Samband svæða– og viðbragðsfræðinga á Íslandi, SSOVÍ

Hægfara vöxtur er í vísindalegri umfjöllun um heildrænar meðferðir. Rannsóknin var gerð til að kanna áhrif svæðameðferðar, náttúrulegrar og heildrænnar meðferðar, á þunglyndi og kvíða en þunglyndi vegur hvað þyngst í að veikja heilsufarslegt ástand samanborið við aðra sjúkdóma. Rannsóknir hafa sýnt fram á að svæðameðferð dragi úr kvíða en áhrif hennar á þunglyndi eru óþekkt.

 

Rannsóknin var framskyggn, slembuð meðferðarprófun með víxlsniði þar sem 19 þátttakendum sem greindir höfðu verið þunglyndir af lækni var skipt með tilviljunaraðferð í tvo hópa. Rannsóknarniðurstöður sýna að svæðameðferð dregur úr þunglyndi og ástandskvíða og að skoða megi svæðameðferð sem sjálfstæða og/eða viðbótarmeðferð við þunglyndi og kvíða. Niðurstöður gefa jafnframt tilefni til frekari rannsókna um hvernig meðferðin þjóni best skjólstæðingum innan sem utan heilbrigðiskerfisins.

 

Rannsókn þessi er nýtt framlag til þekkingar á heildrænum meðferðum. Hún færir heildrænar og hefðbundnar meðferðir skrefi nær hverjar annarri og hvetur fylgjendur beggja meðferðarforma að snúa bökum saman og vinna að bættri heilsu og líðan almennings – í því liggur framtíðin. 

 

Allir velkomnir

 

21. júlí 2009

Heil og sæl kæru nuddfélagar nær og fjær.

 

Nú er komin í loftið ný heimasíða SSOVÍ og óskum við öllum til hamingju með það.

Gott væri að sem flestir sendu inn netföngin sín og notuðu þennan miðil til að afla og koma upplýsingum á framfæri. Okkur langar að setja félagatal SSOVÍ á netið en til þess þarf hver félagsmaður að senda beiðni um það, endilega láttu vita ef þú vilt að þitt nafn og sími sé inná net-félagalista.

 

Tökum einnig fúslega við ábendingum/auglýsingum um efni sem rata mætti á síðuna. Best væri að senda Katrínu póst varðandi það á katjons@internet.is en hún mun sjá um síðuna þar til annar félagsmaður býður sig fram J

Sjá má lista yfir nýja stjórn undir Stjórn og nefndir hér til hliðar.

 

Höldum síðunni virkri saman,

hlýjar sumarkveðjur til allra frá stjórn SSOVÍ,

Svana, Gréta og Anna Svava.

Kátar konur á nuddmóti SSOVÍ í maí 2009.

Best er að opna síðuna í Internet Explorer vafra.

14. ágúst 2009

Á degi græðara 3. október

 Icelandair Hótel (Loftleiðir)

 

Hólmfríður Margrét Bjarnadóttir, hjúkrunarfræðingur m.s. og svæða- og viðbragðsfræðingur fjallar um niðurstöður rannsóknar.

Áhrif svæðameðferðar á þunglyndi og kvíða:

Að meðhöndla hið stóra í gegnum hið smáa

26. september 2009

Dagur græðara 2009

Ákveðið hefur verið að halda hátíðlegan dag græðara í október ár hvert. Frá 1. til 8. október 2009 munu græðarar standa fyrir ýmsum uppákomum víðs vegar um landið. Dagur græðara verður haldinn 3. október 2009 á Hótel Loftleiðum með fyrirlestrum fyrir almenning og árshátíð fyrir græðara um kvöldið.
Hér má nálgast dagskrá dagsins, sjá einnig www.big.is

26. september 2009

Nýtt fréttabréf er komið út sem má nálgast hér til vinstri á síðunni.

19. nóvember 2009

Kæru nuddfélagar

Hér kemur boðskort í okkar árlega jólaboð. Komum saman og eigum góða stund.

Jólakveðjur, stjórn SSOVÍ

 

Hafa samband: katjons@internet.is

Nuddmót og aðalfundur 2010

Heil og sæl kæru nuddfélagar

Þá fer að líða að okkar árlega nuddmóti og aðalfundi SSOVÍ. Nuddmótið verður haldið að Löngumýri í Skagafirði 7.-9. maí næstkomandi og aðalfundur 8. maí á sama stað. Nánari upplýsingar í nýjasta Fréttabréfinu.

Eigið gleðilega páska og njótið hækkandi sólar,

Stjórn SSOVÍ

23. mars 2010

Dagur græðara, 10 ára afmælishátíð BÍG 3.—5. september 2010               4. ágúst 2010

 

Kæru félagsmenn!

Í tilefni af 10 ára afmæli græðarasamtaka okkar BÍG sendum við út þetta fréttabréf. Við viljum leggja áherslu á að það er mikilvægt að við stöndum saman og sýnum samstöðu og áhuga á óhefðbundnum málefnum sem eru til umfjöllunar á þessum degi.

 

Í tilefni dagsins!

Þetta fréttabréf okkar er frekar snemma á ferðinni því okkur langar að fræða ykkur um það sem er á döfinni. Dagur græðara og 10 ára afmælishátíð BÍG verður haldin helgina 3.—5. september og verður auglýst nánar á síðu BÍG, www.big.is. Félagsmenn úr okkar röðum í undirbúningsnefnd fyrir hátíðina eru þær Björg Skarphéðinsdóttir og Erna Líndal.

 

Eins og mörg ykkar vita þá er Bandalag íslenskra græðara regnhlífarsamtök 9 fagfélaga heildrænna meðferðaraðila á Íslandi og SSOVÍ er eitt þeirra fagfélaga. Það hefur heilmikið áunnist hjá stjórn BÍG á þessum árum. Til dæmis stendur þar hæst viðurkenning frá heilbrigðisráðuneytinu að við getum skráð okkur sem skráðir græðarar, sem er heilmikil viðurkenning og ráðlegg ég öllum sem hafa þau skilyrði sem þarf og eru að vinna við sitt fag að láta skrá sig.

Sjá lög um græðara. Sjá einnig skýrslu heilbrigðisráðherra frá 2005. Upplýsingar um framkvæmd skráningar er að finna hér á heimasíðunni og á heimasíðu BÍG. (Framhald í nýjasta fréttabréfi)

 

 

Kær kveðja,

Svana Kristinsdóttir, formaður SSOVÍ